तिमी र म

तिमी म सँगसँगै हिड्नु पर्छ भन्ने छैन
मेरो पाइला भन्दा दुई पाइला अगि हुनु,

मेरो हात समातेर यात्रा गराउँ म भन्दिनँ
तर म लड्न खाेज्दा मेरो हात थामिदिनु,

म रुदा सँगसँगै रुनुपर्छ म भन्दिन
तर म रुदा अाशु पुछ्ने रुमाल दिनु,

म दु:खी हुँदा तिमी दुःखी नहुनु तर
मेरो काधमा हात राखेर म छु नि भनिदिनु,

म खुसी हुँदा, म रमाउदा, म हाँस्दा
तिमी पनि सँगसँगै रमाउनु,

अलि अल्छी छु खाना पकाउन म
तिमी नरिसाइ कहिलेकाही
खाना पकाईदिनु,

काम बाट थकित अनुहार लिएर अाउँदा
कहिलेकाही अारम गर्न
मलाई तिम्रो काख दिनु,

होलान् केही कुरा मा हाम्रो मनमुटाव
यसलाई परालकाे अागाे सम्झी भुलाईदिनु,

होलान् म बाट केही गल्ती,केही भुल
तर तिमी मलाई सम्झाइ बुझाई माफ गरिदिनु,

कहिलेकाही म छिट्टै रिसाउछु
तर यो रिसलाई दिलमा नलिगिदिनु,

हरेक पल मलाई साथ दिनुपर्छ म भन्दिन
तर जिन्दगीभर मेरो साथ नछाड्नु!

म सँगसँगै मर्न त कालले नदेला
तर म बाच्नुजेल म सँगसँगै जिउनु।

थाहा त मलाई
तिमी अधिक प्रेम गर्छाै
ख्याल गर्छौं
हो
सधैं यसरी नै प्रेम गरिराख्नु।

📝 जयान्ती खनाल